Tónlistarmiðstöð býður öllum áhugasömum á námskeið í undirbúningi tónlistarverkefna til útflutnings. Námskeiðið hefst formlega á Bransaveislu, þriðjudaginn 5. nóvember klukkan 17:30 og verður kennt á skrifstofu Tónlistarmiðstöðvar í Austurstræti 5, 101 Reykjavík. Námskeiðið nýtist iðkendum allra tónlistarstefna, er öllum opið og þar að auki frítt.

Á námskeiðinu verða bæði fyrirlestrar og hagnýt verkefni þar sem reynslumiklir sérfræðingar í markaðssetningu og útflutningi tónlistar miðla af þekkingu sinni. Þátttakendur fá aðstoð við að:

• Setja sér skýr markmið fyrir kynningarstarf.
• Greina markaðstækifæri á erlendum mörkuðum.
• Búa til fjölmiðlapakka (presskit).
• Undirbúa útgáfu eða skipuleggja samfélagsmiðlaherferðir.

Einnig verður kynntur sá stuðningur sem er í boði fyrir útflutningsverkefni á Íslandi, auk leiða til að nýta alþjóðlega viðburði hér heima til að efla tengslanet. Námskeiðinu lýkur með kynningum þátttakenda á lokaafurðum sínum.

‍

Námskeiðinu er ætlað að valdefla sjálfstætt starfandi tónlistarfólk, veita því tól og tæki til að koma list sinni á framfæri og verða þannig tilbúið til útflutnings eða „export ready“.

Dagskrá námskeiðsins:

Þriðjudagur 5. nóvember, kl. 17:30-19:00

Pallborð um almannatengsl, markaðssetningu og „bio“-skrif.

• Pallborð um almannatengsl, markaðssetningu og „bio“-skrif.Fyrirlesarar: Paul Bridgewater (ritstjóri The Line of Best Fit), Rebecca Mason (almannatengill hjá Inside Out) og Sophie Walker (blaðamaður og almannatengill hjá Toast Press).
• Leifur Björnsson, sérfræðingur hjá Tónlistarmiðstöð, stýrir umræðum.
• Markmið: Að þátttakendur fái heildarsýn á efni og verkfæri sem þarf til að kynna tónlistarverkefni og skerpi á markmiðum sínum í kynningarstarfi.

Þriðjudagur 19. nóvember, kl. 17:00-19:00

Starfsemi Tónlistarmiðstöðvar og stuðningskerfi útflutningsverkefna.

• Kynning á starfsemi Tónlistarmiðstöðvar, Tónlistarsjóðs og Íslandsstofu og því hvernig þessir aðilar styðja við útflutning í tónlist og öðrum skapandi greinum.
• Verkefnavinna: Markmiðasetning, tímalínur, útgáfu- og markaðsáætlanir og hvernig styrkir samræmast þeim.

Þriðjudagur 3. desember, kl. 17:00-19:00

Kynningar frá sérfræðingum í tónlistarmarkaðssetningu.

• Farið verður djúpt í markaðssetningu tónlistar, vörumerkjastjórnun og greiningu markhópa. Einnig verður fjallað um mismunandi markaðssvæði og hvað ber að hafa í huga við útflutning á tónlist.
• Verkefnavinna og markmiðasetning.

Fimmtudagur 10. desember, kl. 17:00-19:00

Lokaverkefni kynnt og Happy Hour.

------------------------------------------------

Skráning fer fram hér en mælst er til að þau sem skrá sig til leiks taki þátt í allri dagskránni.