Tilbúin til útflutnings
Tónlistarmiðstöð styður við útflutning íslenskrar tónlistar á margvíslegan hátt en til þess að verkefni teljist stuðningshæf útflutningsverkefni þurfa þau að uppfylla ákveðin skilyrði:
Er verkefnið tilbúið til útflutnings?(e. Export ready)
- Tónlist verkefnisins þarf að vera aðgengileg almenningi og á öllum helstu miðlum og streymisveitum (t.d. Spotify og Apple Music), miðað er við að nýjasta efnið sé ekki eldra en 5 ára.
- Æskilegt er að verkefnið búi yfir reynslu af lifandi flutningi.
- Verkefnið skal hafa mótað sér áherslur í markaðssókn. Eins er æskilegt að verkefnið búi yfir einhverri umgjörð; sé í samvinnu við umboðsmenn, útgáfufélög, tónleikabókara eða aðra alþjóðlega samstarfsaðila.
- Kynningarefni, t.a.m. ljósmyndir, tónlist og vefsíða, skal vera aðgengilegt á netinu. Sama á við um viðveru á samfélagsmiðlum, þar sem slíkt á við.
Til að uppfylla skilyrði sem „íslenskt tónlistarfólk“, þarf viðkomandi að:
- Hafa búið á Íslandi lengur en eitt ár.
- Hafa íslenskan ríkisborgararétt EÐA vera búsett á Íslandi.
- Verkefni skulu jafnframt vera kynnt sem íslensk eða íslensk að hluta til.
.svg)
.svg)
.svg)
