Tónlistarmiðstöð leitar að öflugum einstaklingi til að sinna starfi markaðs- og kynningarstjóra. Í starfinu felst umsjón og eftirfylgni með markaðs- og kynningarmálum miðstöðvarinnar, samskipti við innlenda og erlenda fjölmiðla, samskipti við nánustu samstarfsaðila Tónlistarmiðstöðvar á sviði markaðs- og kynningarmála og yfirumsjón með miðlum Tónlistarmiðstöðvar og ýmis konar efnisgerð. Við leitum að skapandi og drífandi liðsfélaga sem er tilbúinn að takast á við fjölbreytt og krefjandi verkefni á innlendum og alþjóðlegum vettvangi.

Um er að ræða 100% starf og æskilegt er að viðkomandi geti hafið störf 1. september. Umsóknarfrestur er til og með 1. ágúst.

Helstu verkefni og ábyrgð

• Umsjón með markaðs- og kynningarmálum miðstöðvarinnar 
• Náið samstarf við framkvæmdastjóra og sérfræðinga miðstöðvarinnar um mótun samskiptastefnu Tónlistarmiðstöðvar, gerð kynningar- og markaðsáætlana, miðlun verkefna og viðburða og gerð kynningar- og markaðsáætlana 
• Samskipti við innlenda og erlenda fjölmiðla og gerð fréttatilkynninga
• Samskipti við Íslandsstofu og aðra lykilsamstarfsaðila er varða markaðs- og kynningarmál
• Umsjón með vef, fréttabréfi og samfélagsmiðlum Tónlistarmiðstöðvar 
• Umsjón með framleiðslu á kynningarefni og efnisgerð
• Umsjón með umfjöllunarvakt og skýrslugerð er varðar markaðs- og kynningarmál

Menntunar- og hæfniskröfur

• Háskólamenntun eða önnur menntun sem nýtist í starfi
• Haldbær reynsla af kynningar- og markaðsstörfum 
• Áhugi á íslenskri tónlist og þekking á umhverfi tónlistar er kostur
• Reynsla af verkefnastjórnun
• Framúrskarandi íslensku- og enskukunnátta
• Færni til að tjá sig í ræðu og riti, setja fram og miðla upplýsingum og koma fram og halda kynningar á íslensku og ensku
• Góð tölvu- og tæknikunnátta og þekking á notkun samfélagsmiðla í kynningarstarfi
• Rík samskiptahæfni og færni til að vinna í teymi
• Áreiðanleiki, frumkvæði, sjálfstæði og skipulögð vinnubrögð

‍

Við hvetjum öll áhugasöm, óháð kyni og uppruna, til að sækja um.

Umsókn skal fylgja ferilskrá og ítarlegt kynningarbréf á íslensku þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu. Sótt er um starfið inni á Alfreð.

‍
Farið verður með umsóknir og fyrirspurnir sem trúnaðarmál. Öllum umsóknum verður svarað þegar ákvörðun um ráðningu hefur verið tekin. Upplýsingar um starfið veitir María Rut Reynisdóttir, framkvæmdastjóri Tónlistarmiðstöðvar (maria@icelandmusic.is).