Top 20 Under 30 – Nordic Music Biz

Top 20 Under 30 eru árleg verðlaun sem veitt eru af NOMEX (Nordic Music Export), samstarfsvettvangi tónlistarútflutningsskrifstofa Norðurlandanna. Með viðurkenningunni eru tuttugu einstaklingar undir þrítugu heiðraðir fyrir framúrskarandi störf í tónlistargeiranum á Norðurlöndunum.

Markmið verkefnisins er að varpa ljósi á mikilvægt starf ungs fagfólks, styðja það í frekari tengslamyndun og skapa vettvang fyrir kynslóðina sem mun móta framtíð norræns tónlistariðnaðar.

Verðlaunin eru afhent árlega við hátíðlega athöfn á tónlistarhátíðinni by:Larm í Ósló, og hafa á undanförnum árum fjölmargir ungir fagaðilar frá Íslandi og öðrum Norðurlöndum hlotið viðurkenninguna.

‍