🗓️📍30. september 2025 kl. 17:30-19:00 í Tónlistarmiðstöð, Austurstræti 5

Á viðburðinum verður nýlega uppfærð vefbúð nótnasafns Tónlistarmiðstöðvar kynnt, ásamt annarri þjónustu sem Tónlistarmiðstöð veitir íslenskum tónskáldum. Snert verður á flestu sem viðkemur tónskáldunum sem eiga verk í safninu, eins og höfundarréttargreiðslum, skylduskilum á nótum í samvinnu við Landsbókasafn og varanlega varðveislu nótna og handrita.

Finnur Karlsson, verkefnastjóri tónverkasafns Tónlistarmiðstöðvar, leiðir dagskrána, en með honum verður Kristjana Mjöll Jónsdóttir Hjörvar, fagstjóri skylduskila hjá Landsbókasafni Íslands – Háskólabókasafni.

Dagskrá:

• Ný nótnaveita kynnt
  
  • Helstu breytingar
  • Tónskáldaprófílar, leitarvél og sölusíður verka
• Nótnasala og -leiga í gegnum Tónlistarmiðstöð
  
  • Verðskrá, verðformúlur og sveigjanleiki til að mæta öllum tegundum nóteraðrar tónlistar
  • Stafræn partaleiga í gegnum Newzik
• Hækkanir á höfundarréttargreiðslum fyrir nótnasölu 2025
• Skráningarskilmálar
• Samstarfssamningur við Landsbókasafn – Háskólabókasafn
  
  • Skylduskil og ISMN númer
  • Varðveisla á handritum
• Tekið á móti spurningum
  
  

Viðburðurinn er öllum opinn og þátttaka er ókeypis.

‍