Keychange verkefnið, sem hefur það að markmiði að knúa fram kynjajafnrétti og efla raddir kvenna- og kynsegin fólks í tónlistarheiminum, hefur opnað fyrir umsóknir í leiðtogaverkefnið sitt. Keychange leiðtogaprógrammið leitar að framsýnum konum og kynsegin einstaklingum sem vilja ganga til liðs við alþjóðlegan hóp frumkvöðla, skapandi einstaklinga og umbótasinna.

Opið er fyrir umsóknir til 13. janúar, 2025 og sótt er um á vefsíðu Keychange.

‍

Um Keychange verkefnið

Leiðtogaverkefni Keychange er sex mánaða langt kennslu- og leiðbeiningar prógram  sem er ætlað þeim sem vilja stuðla að fjölbreytileika, jöfnum tækifærum og aðgengi í tónlistarheiminum. Þátttakendur öðlast lykiltól til að leiða umbótaverkefni í sínu nærumhverfi, á landsvísu sem og á alþjóðlegum vettvangi.

Keychange hvetur metnaðarfulla einstaklinga frá öllum sviðum tónlistarheimsins til að taka þátt, listafólk, umboðsaðila, viðburðarhaldara, rannsakendur, útgefendur og annað. Verkefnið er einfaldlega opið öllum sem brenna fyrir málstað Keychange en Keychange leggur jafnframt áherslu á fjölbreytni og hvetur því umsækjendur af öllum uppruna og hvaðan sem er til að sækja um. 

Hvernig á að sækja um

Umsóknir fara fram á vefsíðu Keychange. Lokafrestur til að skila inn umsóknum er mánudagurinn 13. janúar 2025, kl. 22:00 á íslenskum tíma. Umsóknir verða metnar út frá reynslu umsækjanda, framtíðarsýn þeirra og mögulegum áhrifum þeirra á tónlistarlandslagið.

‍

Þátttaka Íslands í Keychange

Á meðal fyrri þátttakenda fyrir hönd Íslands eru

Cell 7

Hafdís Huld

GDRN

Steinunn Camilla Sigurðardóttir

Soffía Kristín 

María Rut Reynisdóttir

Fever Dream

Josie Anne Gaitens

Bryndís Jónatansdóttir

Kría

Inga Magnea Weisshappel

Valdís Þorkelsdóttir

Milkywhale

MSEA

Jelena Ciric

Björt Sigfinnsdóttir

Melina Rathjen

Cyber

Anna Ásthildur Thorsteinsson

Hildur Maral

Ultraflex

Sunna Margrét

Possimiste

Kim Wagenaar

Lama-sea Dear

Hildur

Anna Jóna Dungal

DJ. Flugvél og Geimskip

‍

Ásamt Tónlistarmiðstöð hafa fimmtán aðrar íslenskar stofnanir og samtök undirritað Keychange-skuldbindinguna en það eru Iceland Airwaves, SFH, FTT, FÍH, Gaukurinn, Harpa, KÍTÓN, Sinfóníuhljómsveit Íslands, Þjóðleikhúsið, Tónlistarborgin Reykjavík, Sinfóníuhljómsveit Íslands, Norrænir músíkdagar, Norræna húsið, Íslenska óperan, STEF og INNI Music . Þar með skuldbinda þessi samtök sig til kynjajafnréttis, m.ö.o. stefna að því að hlutur kvenna og annara kyngerva verði jafn á við hlut karla.

‍