📅 Þriðjudagana 12. og 19. ágúst | ⏰ kl. 17:30–19:00 | 📍 Austurstræti 5

Í tilefni af Reykjavík Jazzhátíð, sem fer fram í lok ágúst, býður Tónlistarmiðstöð til tveggja vinnustofa fyrir jazz- og spunatónlistarfólk sem hyggst stefna út fyrir landsteinana. 

Vinnustofurnar fara fram í húsnæði Tónlistarmiðstöðvar við Austurstræti 5, dagana 12. og 19. ágúst kl. 17:30–19:00.

Á efnisskrá eru stuttir fyrirlestrar og hagnýt verkefni þar sem verður meðal annars farið yfir þau tækifæri sem viðburðir á borð við Reykjavík Jazzhátíð bjóða upp á og hvernig hægt sé að nýta þau til hins ýtrasta.

Mælst er til þess að þátttakendur sjái sér fært að mæta á báðar vinnustofurnar og komi með fartölvu meðferðis.

Skráning fer fram hér

Nánari dagskrá verður kynnt er nær dregur. 

‍