Næsta hátíð: 12. - 15. febrúar 2025

Umsóknarfrestur: 1. september 2024

Hvar? Ljubljana, Slóvenía.

Hversu margir mæta? 6000

Svið: 13

Tónlistartegundir: Indí-rokk, pop, electronic, folk, rokk, hip-hop og DJ sett

Tónlistarhátíðin MENT í Ljubljana, Slóveníu hefur opnað fyrir umsóknir og mun fara fram 12. – 15. febrúar 2025. MENT er þriggja daga bransahátíð og showcase festival sem haldin er árlega í febrúar í Ljubljana. Hátíðin heldur utan um 13 svið þar sem um 70 tónlistarfólk koma fram og er ein stærsta hátíð sinnar tegundar í Evrópu.

Showcase hátíðir (e. faghátíðir) eru frábrugðnar hefðbundnum tónlistarhátíðum þar sem stór hluti tónleikagesta er fagfólk úr tónlistarbransanum og þær geta verið stökkpallur á alþjóðlegan tónlistarmarkað þegar vel er að staðið. Slíkar hátíðir eru mikilvægur liður í útflutningi á íslenskri tónlist.

Ef ætlunin er að koma tónlistarverkefni á framfæri á showcase-hátíð er mikilvægt að kynna sér vel stefnu hverrar hátíðar og setja sér skýr markmið með þátttöku, einnig er nauðsynlegt að tónlistarverkefnið sé tilbúið til útflutnings (e. export ready).

Við mælum helst með því að tónlistarfólk sem fer inn á hátíðina taki með sér umboðsmann, eða a.m.k. einhvern sem getur sinnt því hlutverki á hátíðinni, sem getur talað ykkar máli inn í bransann sem verður á staðnum

LESIÐ MEIRA UM “EXPORT READY”

LESIÐ MEIRA UM SHOWCASE HÁTÍÐIR

Við hvetjum ykkur til að skoða vel hvort þátttaka í MENT sé tímabær vettvangur fyrir ykkur. Ef svarið er já, þá viljum við endilega hvetja ykkur til að setja púður í þrusu-umsókn og sækja um.

SÆKJA UM HÉR>>

‍